डॉ झाकीर हुसेन मदरसा आधुनिकीकरण योजना

मदरशांमध्ये शिकत असलेल्या विविध वयोगटातील विद्यार्थ्यांना समाजाच्या मुख्य प्रवाहात आणण्यासाठी पारंपारिक धार्मिक शिक्षणाबरोबर विज्ञान,गणित,समाजशास्त्र,हिंदी, मराठी,इंग्रजी व उर्दू या विषयांचे शिक्षण देणे, तसेच मुख्य प्रवाहातील शाळांमध्ये प्रवेश घेणाऱ्या इयत्ता ९ वी, १०वी,११वी व १२वी यातील आणि औद्योगिक प्रशिक्षण संस्थामध्ये शिक्षण घेणाऱ्या विद्यार्थ्यांना शिष्यवृत्ती देणे. जेणेकरुन त्यांच्या शैक्षणिक गुणवत्तेत व रोजगार क्षमतेत वाढ होऊन त्यांचा आर्थिक दर्जा सुधारणे.

योजनाविषयीचा शासन निर्णय
11 ऑक्टोबर,2013 [पीडीएफ 1.3 एमबी]

नेहमीचे प्रश्न

1. अनुदानासाठी पात्रता काय आहे ?

राज्यातील धर्मादाय आयुक्त अथवा वक्फबोर्डाकडे नोंदणी केलेले मदरसे.

2. या योजनेत कोणती कामे घेता येतात ?

या योजनेअंतर्गत खालील कामे घेता येतात.

• मदरशाच्या इमारतीचे नुतनीकरण व डागडुजी,
• मदरशाच्या निवासी इमारतीचे नुतनीकरण व डागडुजी,
• शुध्द पेयजलाची व्यवस्था,
• प्रसाधन गृह,
• फर्निचर,
• इन्व्हर्टर,
• प्रयोगशाळा,
• संगणक हार्डवेअर सॉफ्टवेअर,
• प्रयोगशाळा साहित्य
• सायन्स कीट,
• मॅथेमॅटीक्स कीट व इतर अध्ययन साहित्य
3. याशिवाय आणखी कोणत्या बाबींसाठी अनुदान प्राप्त होईल ?

या योजनेअंतर्गत विज्ञान,गणित, समाजशास्त्र,हिंदी,मराठी, इंग्रजी व उर्दू हे विषय शिकविण्यासाठी नियुक्त केलेल्या शिक्षकांचे मानधनासाठी तसेच मदरशात राहून नियमित शाळेत जाणाऱ्या विद्यार्थ्यांसाठी शिष्यवृत्तीसाठी अनुदान दिले जाईल.

4. यासाठी अर्ज कोणाकडे करावयाचा ?

या योजनेअंतर्गत अनुदान प्राप्त करण्यासाठी संबंधीत जिल्हयाच्या जिल्हाधिकाऱ्यांकडे अर्ज करणे आवश्यक आहे

5. अर्ज कधी करावयाचा ?

या योजनेअंतर्गत प्जिल्हाधिकारी यांचेकडे अर्जासह संपूर्ण प्रस्ताव मागविण्यासाठी शासनामार्फत साधारणपणे जुलै महिन्याच्या सुमारास राज्यातील प्रमुख मराठी, हिंदी, इंग्रजी व उर्दू वृत्तपत्रात जाहिरात प्रसिध्द केली जाते. जाहिरातीत नमूद केलेल्या अंतिम दिनांकापूर्वी शाळांनी त्यांचे प्रस्ताव जिल्हाधिकाऱ्यांकडे सादर करणे आवश्यक आहे

6. अर्जासोबत कोणती कागदपत्रे जोडणे आवश्यक आहे ?

अर्जासोबत खालील कागदपत्रे जोडण्यात यावीत.

• मदरशामध्ये विज्ञान, गणित,समाजशास्त्र,हिंदी,इंग्रजी,मराठी व उर्दू हे विषय शिकविले जाणार असल्याबाबतचे प्रतिज्ञापत्र.
• संस्थेच्या नोंदणी प्रमाणपत्राची प्रत.
• दुरुस्तीचा प्रस्ताव असल्यास नोंदणीकृत आर्कीटेक/ लायसन्सड इंजिनिअर सार्वजनिक बांधकाम विभाग/ जिल्हा परिषद येथील उपअभियंता यांनी प्रचलित डी.एस.आर.नुसार दिलेले अंदाजपत्रक व आराखडे
• जागेचे पी.आर. कार्ड /गाव नमूना क्रमांक ७/१२ चा उतारा / भाडेपट्टा करार /दानपत्र इत्यादिच्या प्रती.
• संस्थेच्या सदस्यांच्या यादीची सत्यप्रत.
• संस्थापन समय लेखे/ ट्रस्टडीडची सत्यप्रत.
• मागील ४ वर्षापैकी ३ वर्षाचे लेखा परिक्षण झालेले वार्षिक अहवाल
• मदरशांमध्ये शिकणाऱ्या मुले/ मुलींची नावे व वय याबाबतची वयोगट ६ ते १२ व वयोगट १३ ते १८यांची प्रमाणित यादी
• वयोगटानुसार व त्यातील संख्यनुसार आवश्यक शिक्षकांची संख्या, मानधनासाठी आवश्यक रक्कम इत्यादी दर्शिविणारे प्रपत्र.
• खरेदी करावयाच्या वस्तुंच्या दरपत्रकाच्या प्रती.
• इमारतीचे / दुरस्त करावयाच्या भागाचे पोस्टकार्ड आकाराचे छायाचित्र.
• अनुदानासाठी पात्र होण्याचे निकष कोणते आहेत ?
• राज्यातील धर्मादाय आयुक्त अथवा वक्फबोर्डाकडे नोंदणी केलेल्या संस्थांमार्फत चालविले जाणारे मदरसे किंवा धर्मादाय आयुक्त अथवा वक्फबोर्डाकडे नोंदणी केलेले मदरसे
• नोंदणी करुन ३ वर्षे पूर्ण झालेल्या मदरशांना प्राधान्य.
• किमान विद्यार्थी संख्या २०
• अनुदानाची रक्कम कशाप्रकारे प्राप्त होईल ?
• जिल्हास्तरावर तसेच शासनस्तरावर छाननीअंती पात्र ठरलेल्या मदरशांना अनुदानाची रक्कम त्यांच्या बँक खात्यात इ.सी.एस. द्वारे अदा करण्यात येईल.

• या अनुदानाच्या रकमेचा विनियोग किती कालावधीपर्यंत करता येईल ?

या अनुदानातून प्राप्त झालेल्या रकमेचा विनियोग रक्कम प्राप्त झाल्यापासून ६ महिन्याच्या आत करणे आवश्यक आहे

• अनुदानाचे उपयोगिता प्रमाणपत्र कधी सादर करावे ?

अनुदानाच्या रकमेतून हाती घेतलेली कामे पूर्ण होताच,अर्जासोबत जोडण्यात आलेल्या विहित नमून्यातील उपयोगिता प्रमाणपत्र संबंधीत जिल्हाधिकारी यांच्याकडे सादर करण्यात यावे. पुढील वर्षाचे प्रस्ताव पाठविण्यासाठी असे उपयोगिता प्रमाणपत्र सादर केलेले असणे आवश्यक आहे.

डाउनलोड फॉर्म

• अर्जाचा नमुना [पीडीएफ-७४.४ केबी]




• प्रतिज्ञापत्र [पीडीएफ-69.5 केबी]




• सदस्यांची यादी [पीडीएफ-68.7 केबी]




• विद्यार्थी संख्या [पीडीएफ-68.5 केबी]




• शिक्षक संख्या व मानधनाची रक्कम [पीडीएफ-67.2 केबी]

या योजनेअंतर्गत निधी वितरित केलेले सर्व शासन निर्णय राज्य शासनाच्या संकेत स्थळावर जाऊन विभागाचे नाव : अल्पसंख्यांक विकास विभाग व महत्वाचा शब्द : मदरसा असे लिहून पाहू शकता.

लाभार्थी:

शालेय व उच्च शिक्षण घेणारे विद्यार्थी

फायदे:

शिष्यवृत्ती