• अर्जदार महाराष्ट्राचा रहिवासी असावा
• अर्जदाराने माध्यमिक शालांत परीक्षा महाराष्ट्र राज्यातून उत्तीर्ण केलेली असावी.
• अर्जदाराच्या पालकांचे एकत्रित वार्षिक उत्पन्न रु.६.०० लाखापेक्षा जास्त नसावे.
• अर्जदार इतर कोणत्याही शिष्यवृत्ती योजनेचा लाभार्थी नसावा.
• नूतनीकरणासाठी अर्जदाराने पुढील वर्षात प्रवेश घेतलेला असणे आवश्यक आहे

सदर योजनेंतर्गत तांत्रिक व व्यावसायिक अभ्यासक्रम तसेच वैद्यकीय व अर्धवैद्यकीय अभ्यासक्रमांसाठी प्रतिवर्ष रु. २५,०००/- किंवा प्रत्यक्ष वार्षिक शैक्षणिक शुल्क यापैकी जी रक्कम कमी असेल तेवढी रक्कम शिष्यवृत्ती म्हणून देण्यात येते

सदर योजनेचा अर्ज सादर करण्याचे वेळापत्रक व जाहिरात दरवर्षी संचालक, तंत्र शिक्षण संचालनालय व संचालक वैद्यकीय शिक्षण संचालनालय यांचेमार्फत प्रमुख्‍ वृत्तपत्रांमध्ये प्रसिध्द करण्यात येते. सदर वेळापत्रकानुसार संकेतस्थळावर ऑनलाईन पध्दतीने अर्ज करण्यासाठी खालील संकेत स्थळांवर क्लिक करा.
www.dmer.org
www.dte.org.in

पात्र विद्यार्थ्यांच्या शिष्यवृत्तीची रक्कम E.C.S. /N.E.E.T द्वारे त्यांच्या बँक खात्यामध्ये थेटपणे जमा करण्यात येते.

वैद्यकीय व अर्ध वैद्यकीय अभ्यासक्रमांच्या शिष्यवृत्तीसाठी संचालक, वैद्यकीय शिक्षण आणि संशोधन शासकीय दंत महाविद्यालय व रुग्णालय इमारत चौथा मजला, सेंट जॉर्जेस रुग्णालय आवार, मुंबई-4०० 00१ आणि तांत्रिक व व्यावसायिक शैक्षणिक अभ्यासक्रमांच्या शिष्यवृत्तीसाठी संचालक,तंत्र शिक्षण संचालनालय ३ महापालिका मार्ग, मुंबई-400 ००१ यांचेकडे संपर्क साधावा.

अल्पसंख्याक विकास विभाग, शासन निर्णय क्रमांक-अविवि- २०११/ प्र.क्र.४४/का-६ दि.१४/१०/२०११. सदर शासन निर्णय याच संकेतस्थळावर “ शासन निर्णय” या सदराखाली उपलब्ध आहे.