विद्यार्थिसाठी वसतीगृह (केंद्र व राज्य)

राज्यातील प्रत्येक जिल्हयात शासकीय महाविद्यालये / तंत्रनिकेतन /औद्योगिक प्रशिक्षण संस्था अथवा विद्यापीठ यांच्या आवारात

बहुतांश वसतीगृहांची प्रवेश क्षमता १०० विद्यार्थींनी इतकी आहे. काही वसतीगृहांची क्षमता ३० व ६० अशी आहे. एकूण क्षमतेपैकी ७० % जागा अल्पसंख्याक मुलींसाठी व उर्वरित ३० % जागा बिगर अल्पसंख्याक मुलींसाठी उपलब्ध असतील.

इयत्ता १1 वी व त्या पुढील शिक्षण घेणाऱ्या मुलींना यामध्ये प्रवेश देण्यात येईल. वसतीगृह ज्या शासकीय शैक्षणिक संस्थेच्या आवारात आहे त्या संस्थेशिवाय अन्य शैक्षणिक संस्थेत शिक्षण घेणाऱ्या मुलींनादेखील यात प्रवेश मिळू शकेल. प्रवेश घेण्यासाठी त्यांनी शैक्षणिक संस्थेत प्रवेश घेतलेला असल्याचे प्रमाणपत्र सादर करणे आवश्यक राहील. विद्यार्थीनीचा शैक्षणिक कालावधी ( कोर्स डयुरेशन ) पूर्ण होईपर्यंत प्रवेश अनुज्ञेय राहील. तथापि,शैक्षणिक वर्षात खंड पडल्यास त्या वर्षाकरीता प्रवेश अनुज्ञेय असणार नाही.

प्रवेश घेऊ इच्छिणाऱ्या मुलींनी वसतीगृह ज्या शैक्षणिक संस्थेच्या आवारात आहे त्या संस्थेच्या प्राचार्यांशी संपर्क साधावा

मुंबई व मुंबई उपनगर यातील वसतीगृहासाठी प्रतीसत्र रु.४१५०/- व अन्य जिल्हयातील वसतीगृहांसाठी प्रतीसत्र रु.२८५०/- इतके शुल्क आकारण्यात येईल. अल्पसंख्याक समाजातील कुटूंबाचे वार्षिक उत्पन्न रु. २,५०,०००/- पेक्षा कमी असल्यास त्यातील विद्यार्थींनींना शुल्क पूर्णपणे माफ असेल. याकरिता उत्पन्नाबाबतचे स्वयंसाक्षांकित प्रमाणपत्र सादर करणे आवश्यक राहील. तसेच अल्पसंख्याका व्यतिरिक्त अन्य विद्यार्थींनींना मात्र शुल्क भरणे आवश्यक राहील.

जेवण,नाश्ता इत्यादिचा खर्च मुलींना स्वत: भागवावा लागेल.

वसतीगृहात ३ विद्यार्थीनी प्रवेश क्षमतेच्या खोल्या उपलब्ध आहेत. त्यामध्ये प्रत्येक विद्यार्थीनीला पलंग, स्वतंत्र टेबल व कपाट उपलब्ध आहे. वसतीगृहात सामुदायीक जागेत टि.व्ही, संगणक इत्यादि उपलब्ध आहे. तसेच वसतीगृहाला संरक्षक भिंत, सुरक्षा रक्षक उपलब्ध असणार आहेत.